آخر كلمة
بدايتي معاها في ليلة لقاها كان يوم ميتحكيش
ابتسامة رقيقة وضحكة بريئة وعيون مريحتنيش
قربتلك واشتريتك وبعمري فديتك لكن محستيش
كان نفسي تكوني حبيبتي وروحي وانتي مكنتيش
خُنتي حياتي وضيعتي عمري سبتيني مقدرتيش
جرحني الزمن ليكي ولأجل عنيكي أنا مَهَمِّنيش
نسِّتيني فرحي ودُوستِي على جَرحِي ومعتذرتيش
قلبك قاسي ولحبك ناسي وحزني ميتنسيـــش
الكِدب عادتك والظلم طبعك وبغيرالغدرمتتوصفيش
لو فضلتي على كدة مش هتتحبي ، بجد متكمليش
غيّري حياتك وحِبِّي بقلبك وبالكدب انا منصحكيش
هسيبك لنفسك حرة في عمرك بس بعيد متمشيش
هقولك ملامة وسايبلك علامة في قلبك متتمحيش
عيشي لوحدك بس انتي في الآخر بجد متستهليش
الاشتراك في:
تعليقات الرسالة (Atom)
ليست هناك تعليقات:
إرسال تعليق